Zo'n dikke twintig joar eleene, goddomme wat wur ik toch al old, ging mien twee oldere breurs en ik mit va en moe elke zomer op verkaasie. Achter in de olde Alfa Romeo epropt mit zien dree'en, mit een gangegie van krap an 100 k/m richting Duutslaand, Oostenriek of Denemark'n.

Mien breurs waar'n al drok an t puberen en ik zat er as klein brummeltien tussenin. Kenteekens veurleez'n en eploagd wurdn deur mien oldste breur was ik bi-j de grens al flauw va. Toen ik verveeln'd begon te worden was mien middelste breur Andre mi-j alderjekelse zat. De enige oplossing die i-j wus was mi-j de koptelefoon van zien Walkman op te zetten. Ook meer uut de gein dink ik, want ut was vast gien gezichte. En wat ik toen heurde jongens, hef mi-j veur de rest van 't leav'n veranderd! Stark Wark van Normaal, op casettebaantie!

Ik had toen nog weinig besef van muziek, maar wat Deurdonderen mit mi-j deed zal ik nooit vergeet'n. Ik dinke dat t kleine jochie d'r kippenvel van kreeg. Det baantie ging uut de Walkman, in de radio van de Alfa en tut an Oostenriek mus iederiene in die old bak Normaal luster'n. Mien moe vond het verschrikkelijk, veural juust mien favoriet Deurdonderen.

Ik zag veur de tweede keer het locht

Toen ik een joar of tiene was ging het kats de verkeerde kaante mit mi-j op. Ozzy Osbourne, Guns 'n Roses, Metallica, etc. werden toen mien favoriet. Achteraf doodzunde, ondanks dat t ook goeie muziek is. Doodzunde omdat ik noar meer concerten van Normaal ekund hadde. Rond mien achtiende zag ik veur de tweede keer het locht. Normaal zol in mien woonplaats Staphorst koom optreden mit alle commotie vandien. Deur alle reuring toch mit mien kameroadn mit egoane, meer uut neesgierigheid dan um de muziek. Toen ze openden mit Kapitein Hoken vuulde ik mi-n net weer det kleine jochie det richting Oostenriek gung mit de familie.

Het hek was van de dam en sindsdien bin ik weer groot liefhebber van Normaal en alles wat d'r bi-j heurt. Meerdere keren per joar goa ik dus oek zeker noar optredens en dagelijks he'k de nummers van Normaal in de auto an stoan. Niet op casettebaantie, maar Stark Wark op mp3. Tied'n veraandert, hokers blieft veur altied. Mien traditie is dan oek standaar Stark Wark van veur tot achter'n luustern veurdat ik noar de Veldtocht goa.

Gien stark verhaal, maar zomaar een vertelligie van een kleine snotneus achter in een olde Alfa Romeo :)

Tag / Lijst: Muziek, Normaal, Dialect, Keuze van de redactie

Dit verhaal met uw ervaring aanvullen? Klik hieronder!

aanvullend verhaal plaatsen

Meer verhalen

GalerijVideo

Roggebroodweging Muldersfluite

30 december 2014
Harry Somsen
AudioVideo

De draak van Gelderland

27 maart 2015
Gery Groot Zwaaftink
Audio

De kruisheer van de Nevelhorst

06 maart 2015
Gery Groot Zwaaftink
Audio

De eerste Brug over de Waal

06 februari 2015
Gery Groot Zwaaftink
Galerij

'N Duvels drankje

11 juli 2015
Paul Hoftijzer

Het maken van een “halster”

27 oktober 2015
Stichting Boerengoed Achterhoek

Steltlopen in Didam

16 april 2015
Karin van der Velden

De modelbotter in de huiskamer

26 oktober 2015
Lex Terpstra

Zuurkool “verrot lekker”

14 oktober 2015
Ina Brethouwer

Nieuwjaarsduik, een sociale, frisse traditie

03 februari 2015
Marja Schulenberg-v.d. Werf

Aanzegger, aanspreker, begrafenisondernemer...

09 februari 2015
Willi Wilbrink-Hensbergen
GalerijVideo

De paasos

07 februari 2015
Gerhard Kwak